கூடையைக் குடுத்துவுடு

சந்தைக்குப் போனீங்கன்னா மாமா
சாமந்திப் பூ வாங்கி வாங்க

சாமந்திப் பூவெதுக்கு மானே
செண்டு மல்லி வாங்கி வாரேன்

செண்டு மல்லிய வைக்க மாமா
கொண்டை ஊசி வாங்கி வாங்க

கொண்டை ஊசியோட கண்ணே
கண்டாங்கியும் வாங்கி வாரேன்

கண்டாங்கி எனக்கு மாமா
துண்டு வேட்டி உங்களுக்கு

சுருக்கா போயிவாரேன்
சுருக்குப் பைய அவுத்து
சில்லறைய நீயும் குடு

வாங்கப் போற பொருளை எல்லாம்
உள்ளத்துல கொண்டு போலாம்
வாங்குன பொருளை எல்லாம்
உள்ளங்கையிலா கொண்டு வருவீங்க?

குத்திப் பேசாத புள்ள கூடையைக் குடுத்துவுடு