ஒரே கருத்து - இரண்டு வடிவங்களில் :
கனவு வேலை (லிமரிக்)
மதிய இடைவேளையில் அடிப்பது அரட்டை
மற்ற இடைவெளிகளில் படிப்பது இன்டர்நெட்டை
தேடியதோ கனவு வேலை
செய்வதோ தூங்கும் வேலை
அலாரமாய் வைப்பதோ தன்னுடைய குறட்டை !!
இரு(க்)கைச் சயனம் (வெண்பா)
கயல்போல் விழிகள் இரவில் உறங்கி
அயராது மீண்டும் துயில்வதும் ஏனோ?
சயனம் செயவோ பணியில் இரு(க்)கை?
வியப்புன் குறட்டை விழிப்பு!
பயணம் புரிவதில் பாதையும் தேயப்
புயலாய்ப் புகையும் புழுதியும் மேவ
முயலென முந்தியே வந்துமேன் தூக்கம்?
உயரும் கரிகால் பதிவு! (carbon footprint)
3 comments:
நல்லா இருக்கு... படத்தில் இருப்பது நீங்களா? (ஒரு ஆர்வம்தான்...!)
அட, என்னங்க...படத்தை மாத்திட்டீங்க...!
நீங்கள் தானே என்படமா என்று கேட்டீர்கள்? அதனால் தான்!!
Post a Comment