மலையேறும் மீன்கள்

என் எழுத்துக்கள்:

தெருப்பக்கத்தில்

குழந்தை போட்ட கோலங்கள்;

அருவி நீரில் மலையேறும் மீன்கள்;

இருட்டில் தொலைத்த நாணயம் தேட

நான் பற்ற வைக்கும் தீக் குச்சிகள் ;

மரத்திலிருந்து காற்றில் உதிர்ந்தவை;

மலர்கள் பொறுக்கி மாலையாக்கிக் கொள்கிறேன்
சருகுகள்? - அடுப்பெரித்துக் கொள்கிறேன்

உங்களுக்கு எப்படி?

படித்து விட்டதால் உங்கள் வாழ்வின் பகுதியானவை;
பிடிக்காவிட்டால் ?
படித்த நேரம்  உங்கள் ஆயுள் தின்ற எமன்கள்!