அம்மா

அம்மா
நான் தோள் நிமிர்ந்து நிற்பதற்குள்
உன் தோல் சுருங்கிப் போனதம்மா

தியாக ஒளியே கற்பூர தீபம் நீ
அழுகின்ற மெழுகல்ல

நீ என்னை உன்னிலிருந்து
வேராக்கி வேறாக்கியும் வேறாக்கவில்லையே

அன்னை உனைப் பாடுகையில் என் புலமை இங்கு தாழ்கிறது

அம்மா, இன்று நான் இறந்தால்
உண்மையாக அழ உன்னை விட்டால் யாரம்மா?

உயிர் தந்த தாயே,
நான் ஆணான போதும் உனக்கு அன்னையாகும் வரம் தா.