உயிர்த்துளி

மணித்துளி ஒவ்வொன்றும் உயிர்த்துளி
கவனித்து அதை நீ செலவழி
செ(ல்)லவழி பலவுண்டு கண்டபடி
அதில் நல்லவழி நீயும் கண்டுபிடி
கண்டுபிடி நல்லநல்ல வாய்ப்புகள்
கனியும் உன் தோட்டத்துக் காய்ப்புகள்
காய்ப்புளி வேண்டாம் கனி புகல்
புகழ் மற, மறவாதே புகழ
இயல்கின்ற போதெல்லாம் சிரித்துவிடு
அயலவர் கண்ணீர் துடைத்துவிடு
விடுவதற்கில்லை வாழ்க்கை
கெடுவதற்கில்லை காலம்
மனதினைச் செதுக்கிடும் இழைப்புளி-
மணித்துளி ஒவ்வொன்றும் உயிர்த்துளி