Tuesday, April 26, 2011

மயிலேறி வருவான் குகன்

மயிலேறி வருவான் குகன் -கயிலை
மலையாளும் மன்னன் மகன் - மடல்விரி (மயிலேறி)

காலையில் கதிராக
மாலையில் மதியாக
வேலனவன் கோல எழில்
ஞாலத்தின் ஒளியாக
எந்தன் - மன இருளது அகன்றிட
கந்தன் - அவன் சுடர்விழி அருள்தர
மின்னல் - அவன் விரைவென வழிவிட (மயிலேறி)

கோயிலில் சிலையாக
ஆழியில் அலையாக
நாடி வரும் சீடர் உயிர்
நாடியில் நிலையாக
கொஞ்சும் - அருந்தமிழென சுவையுற
கொஞ்சம் - அருமருந்தென பிணியற
நெஞ்சம் - அதில் நினைவென நிலைபெற (மயிலேறி)

1 comment:

ஸ்ரீராம். said...

நன்று.
இப்போது எனக்கு நினைவுக்கு வரும் பாடல் "நிழலாக வரவேண்டும் முருகா...." என்ன சம்பந்தம் என்று கேட்காதீர்கள்...சும்மா ஞாபகம் வந்தது!